လိုရာခရီးတွေကို သွားရောက်ဖို့ လေယာဉ်လက်မှတ်ဝယ်ပြီးပြီဆိုရင်တော့ အနားနီးမှ အမှားအယွင်းတစ်စုံတခု မဖြစ်ရစေအောင် လေယာဉ်လက်မှတ် ဝယ်ပြီးပြီဆိုတာနဲ့ Double Check လုပ်ဖို့လိုအပ်ပါတယ်နော်. မိမိသွားလိုတဲ့နေရာ, အချိန်, Passport နံပါတ်, နာမည်စာလုံးပေါင်း စတာတွေကို တစ်ချက်ချင်းစီပြန်လည်စစ်ဆေးဖို့မမေ့နဲ့ဦးနော်

 

ဘာတွေဘယ်လိုစပြီးစစ်ဆေးရမလဲ မသိဘူးဆိုရင်တော့ မင်မင်ပြောပြမယ့် အချက်လေးတွေအတိုင်း တစ်ဆင့်ချင်းစီ စစ်ဆေးကြည့်ရအောင်

 

အရင်ဆုံး မိမိရဲ့ နာမည် စာလုံးပေါင်းမှန်မမှန်, နာမည်အပြည့်စုံပါမပါ, Passport နှင့် မှတ်ပုံတင်နံပါတ်လေးလည်း မှားလို့မဖြစ်တာကြောင့် တစ်လုံးစီပြန်စစ်ဆေးကြမယ်

 

ပြီးရင်တော့ မိမိဝယ်ယူထားတဲ့ရက် မှန်မမှန်ကို တစ်ခေါက်ပြန်လည် စစ်ဆေးပြီး လက်မှတ်မှာ မိမိသွားရောက်ချင်တဲ့ မြို့ (သို့) နိုင်ငံတို့ကို စစ်ဖို့လဲမမေ့နဲ့နော်…

 

Baggage KG ဘယ်လောက်ရတယ်? Hand Carry ဘယ်လောက်ရလဲ? စတာတွေကိုလည်းလက်မှတ်မှာ တစ်ခါတည်းပါတာမလို့ သေချာကြည့်ဖို့လိုမယ်နော်… Transit နဲ့စီးရမယ့် Flight များအတွက်ကိုလဲ Check through ရမရကိုလဲ ဝယ်ယူတဲ့ Agent (သို့) လေကြောင်းလိုင်း နှင့် ပြန်စစ်ဖို့လိုပါမယ်နော်

 

လေယာဉ်ထွက်ခွာချိန် နှင့် ရောက်ရှိချိန်တို့ကိုလဲ သေချာမှတ်ထားပါက လေဆိပ်ကို ဘယ်အချိန်ကြိုသွားမယ်ဆိုတာကို ခန့်မှန်းလို့ရနိုင်မယ့်အပြင် Flight Time ဘယ်လောက်ကြာမလဲဆိုတာပါ သိရှိနိုင်မှာပါ…

 

ဒီလိုအချက်လေးကိုတွေစစ်ဆေးရင်းနဲ့ အမှားအယွင်းတစ်ခုခု ရှိလာခဲ့ရင်တော့ မိမိလက်မှတ်ဝယ်ယူခဲ့သော နေရာသို့ အမြန်ဆုံးဆက်သွယ်အကြောင်းကြားပြီး အချိန်မှီပြန်လည်ပြင်ဆင်ဖို့ မင်မင်က တိုက်တွန်းလိုက်ပါတယ်