ခရီးတစ်ခုသွားတော့မယ်ဆိုရင် ပြည်တွင်းပဲသွားသွား၊ ပြည်ပပဲသွားသွား မသွားခင် ပြင်ဆင်သွားရမယ့် အရာတွေ၊ ယူသွားရမယ့်ပစ္စည်းတွေ၊ လိုအပ်တဲ့အချက်လက်တွေအကုန် သေချာစစ်ဆေးပြီး ကြိုတင်ပြင်ဆင်သွားဖို့ လိုအပ်ပါတယ် ။

အနားနီးမှ အလျင်စလိုပြင်ဆင်ရင်း တစ်ခုခုကျန်ခဲ့တဲ့အခါ အချိန်နှောင့်နှေး၊ စိတ်ဒုက္ခရောက်ရတာမျိုး ဖြစ်တတ်တာကြောင့် ခရီးမသွားခင် လိုအပ်တဲ့အချက်အလက်လေးတွေကို သေချာပြင်ဆင်လို့ရအောင် Knowledge Sharing အနေနဲ့ ပြောပြပေးသွားမှာပဲဖြစ်ပါတယ် ။

အဓိက ဘာတွေပြင်ဆင်သွားဖို့လိုမလဲဆိုတော့ …

ပြည်တွင်းဆိုရင် မဖြစ်မနေလိုအပ်တဲ့ NRC, ပြည်ပဆိုရင် (၆) လ သက်တမ်းရှိသော နိုင်ငံကူးလက်မှတ် PASSPORT

သွားရောက်မယ့်နိုင်ငံပေါ်မူတည်ပြီး Visa/ Insurance လိုမလို

Flight Tickets အသွားအပြန်

Hotel Booking (အသိအိမ်မှာနေမယ်ဆိုရင်တော့ တည်းခိုမယ့်နေရာကိုပြနိုင်မယ့် ခိုင်လုံတဲ့အထောက်အထား)

Registration/ Arrival Form လိုအပ်တဲ့ Singapore, Cambodia, Malaysia တို့လို နိုင်ငံမျိုးဆိုရင်တော့ Arrival Form ကို Color Print ထုတ်သွားဖို့ လိုအပ်ပါတယ်။

သွားမယ့်နိုင်ငံပေါ်မူတည်ပြီး အသေးစိတ်လိုအပ်ချက်လေးတွေ ကွာခြားနိုင်တာကြောင့် စာရွက်စာတမ်းလေးတွေကို သေချာလေး စစ်ဆေးသွားဖို့လိုအပ်ပါတယ်။

Check in ဝင်ဖို့အတွက် လေယာဉ်ချိန်မတိုင်ခင် ပြည်တွင်းခရီးအတွက် (၂) နာရီ၊ ပြည်ပခရီးအတွက် (၃) နာရီလောက်စောပြီးအရောက်သွားဖို့ လိုအပ်ပါတယ်နော် ။

ဒါတွေအကုန်လုံးပြည့်စုံပြီဆိုရင်တော့ ခရီးသွားဖို့အတွက် စိတ်ပူစရာမလိုပဲ သွားရောက်ဖို့အတွက် Ready ဖြစ်နေမှာနော်။